संस्मरण

तुमच्यामुळेच मला माझ्या रस्त्याने इथवर येता आले

वर्तुळाबाहेरचे जग वर्तुळातच अनुभवता आले

तुमच्यामुळेच मला माझ्याशी समरस होता आले

तुमच्यामुळेच मला माझे स्वत्त्व टिकवता आले

तुमच्यामुळेच माझे खिन्न मन प्रसन्न होत गेले

हे जीवन किती सुंदर आहे असे वाटू लागले

तुमच्यामुळेच मला माझ्या जवळजवळ जाता आले

छोट्या गोष्टीतही किती अर्थ आहे हे कळू लागले

तुमच्यामुळेच मला शब्दांचे आव्हान स्वीकारता आले

तुमच्यामुळेच माझे गाणे माझ्या प्रेमाचे प्रतीक बनले

                                                -गोविंद कुलकर्णी